Диаз UFC 279 турнирінің басты жекпе-жегінде Фергюсонды жеңді

Лас-Вегаста (Невада, АҚШ) өтіп жатқан аралас жекпе-жектен UFC 279 турнирінің басты жекпе-жегінде жартылай орта салмақтағы америкалық файтерлер Нейт Диаз бен Тони Фергюсон кездесті, деп хабарлайды Prosports.kz.

Қарсыластар жекпе-жектің көп бөлігін тік аяқта төбелесті. Төртінші бес минуттық кезеңде Фергюсон тейкдаун жасауға тырысқанымен, бірақ Диаз Тонидің мойнын жібермей, қылқындыру әдісін қолданды. Нәтижесінде Фергюсон жеңілісін мойындады.

Нейт Диазүшін бұл13 жеңіліспен кәсіби ММА мансабындағы 21-ші жеңісі болды (оның UFC-дегі рекорды - 16 жеңіс және 11 жеңіліс)

Фергюсонның кәсіпқой рекорды қазір 25 жеңіс пен 8 жеңіліске жетті (соның ішінде UFC-де 15 жеңіс пен 6 жеңіліс).