Нұр-Сұлтанда өтетін Хабиб лигасы турнирінің тікелей трансляциясы

Жексенбі, 21 тамызда Нұр-Сұлтанда аралас жекпе-жектен Eagle FC 50 турнирі өтеді. Басты жекпе-жекте қазақстандық файтер Дияр Нұрғожай (7-0) мен ресейлік Константин Андрейцев (17-14) төбелеседі. Олар жартылай ауыр салмақта EFC чемпионы атағына таласады, деп жазады Prosports.kz.

Eagle FC 50 турнирінің тікелей трансляциясы Нұр-Сұлтан уақыты бойынша сағат 17:00-де басталып, осы СІЛТЕМЕ арқылы көруге болады.

Андеркарт бойынша 13 жекпе-жек жоспарланған, оның алтауында қазақстандықтар да өнер көрсетеді: Сәбит Жүсіпов (11-3), Әли Қабдулла (6-0-1), Максим Коновалов (11-7-1), Данияр Қойшыбек (7-1). ), Санжар Әділов (8-1-1) және Кирилл Геккель (дебют).

Турнирдің хедлайнеріне келетін болсақ, бұл Дияр Нұрғожай үшін Хабиб Нурмагомедовтің промоушеніндегі төртінші жекпе-жек болмақ.

Қазақстандық файтер соңғы жекпе-жегін 2021 жылдың қазан айында өткізіп, ресейлік Магомед Магомедовты (12-4) ұтты.