«Астана» америкалық қорғаушымен келісімшарт жасасқанын хабарлады

«Астана» баскетбол клубы америкалық қорғаушы Деондре Паркспен келісімшарт жасасқанын жариялады, деп хабарлайды Prosports.kz.

Ойыншы 1992 жылы 30 қазанда, Флинтте (Мичиган, АҚШ) дүниеге келген.

<span>Ол «Ньюкасл Иглз» клубымен кәсіби келісімшартқа отырғанға дейін, Айова және Оңтүстік Дакота колледждерінің командаларында өнер көрсекен. Деондре Англияда 2016/17 маусымында ойнап, өз командасымен Британ баскетбол лигасының кубогын жеңіп алған. Сондай-ақ чемпионатта плей-офф финалына дейін жеткен.</span>

<span>Содан кейін ол Грузияға аттанып, Тбилисидің «Кактус» командасында өнер көрсетіп, Суперлигада ұпай еншілеу көрсеткіші бойынша көшбасшы атанған (20.8).</span>

<span>Паркс бұл жетістігін Кипр чемпионатында АЕЛ (Лимасол) командасының сапында қайталады – әр матчқа 18,8 ұпай.<br /></span>

<span>Сонымен қатар ойыншы Тунисте («ЕС Радес», тұрақты чемпионатта топ жарып, плей-оффта финалға шыққан, 2019 жыл), Канадада («Эдмонтон Стингерс»), Израилде («Хапоэль Хевел Модиин») және Финляндияда («Вилпас Викингс» құрамында лига чемпионы атанған, 2021 жыл) өнер көрсеткен.</span>

Оның кейінгі клубы – венгриялық ЗТЕ болды.