«Барыстың» ең қымбат екі ойыншысының жалақысы белгілі болды

«Спорт-Экспресс» журналисі Артур Хайруллин өзінің Telegram-арнасында қазақстандық «Барыс» хоккей клубы туралы тың ақпаратпен бөлісті, деп хабарлайды Prosports.kz.

«Барыс қандай команда, қандай нәтиже күту керектігін білмеймін. Олардың ең қымбат екі ойыншысы бар екенін білемін. Линден Вэй мен Никита Михайлис. Екеуі де жылына 50 миллион рубль жалақы алады», - деп жазды журналист.

Еске салайық, қазақстандық «Барыс» Құрлықтық хоккей лигасының (ҚХЛ) тұрақты маусымының жаңа маусымын сырт алаңда 3 қыркүйекте Минскінің «Динамосына» қарсы ойынмен бастайды.