Рахмонов UFC рейтингісінде үздік ондықтан шығып қалды

UFC Vegas 59 турнирі аясында өткен америкалық Джефф Нил мен бразилиялық Висенте Луке арасындағы жекпе-жектен кейін жартылай орта салмақтағы UFC рейтингінде өзгеріс болды, деп хабарлайды Prosports.kz.

Нил үшінші раундта техникалық нокаутпен жеңіске жетіп, рейтингте бірден бес саты жоғарылады, ол 13-орыннан 8-сатыға көтерілді. Ал Луке Стивен Томпсон (+1) мен Шон Брэдиден (+2) қалып, 6-орыннан 9-қатарға сырғыды. 

Джефф Нилдің жартылай орта салмақтағы рейтингте алғашқы ондыққа енуіне орай қазақстандық Шавкат Рахмонов сәл төмендеді. Ол үздік ондықтан шығып, 11-сатыға жайғасты.

Айта кетейік, Рахмонов 26 маусымда америкалық Нил Мэгниді жеңгеннен кейін бір айдан аса уақыт үздік ондыққа тұрды.