UFC Vegas 59: Хилл басты жекпе-жекте Сантосты жеңді

Лас-Вегастағы (АҚШ) UFC Apex аренасында UFC Vegas 59 турнирі аяқталды, деп хабарлайды Prosports.kz.

Кештің басты жекпе-жегінде жартылай ауыр салмақтағы Джамахал Хилл мен Тьяго Сантос кездесті.

Бұл кездесуде 31 жастағы Хилл төртінші раундта нокаутпен жеңіске жетті. Сантос кейінгі алты жекпе-жегінде бесінші рет жеңіліске ұшырады.

Осылайша, Джамахал Хилл 12 жекпе-жек өткізіп, 11 мәрте жеңіске жетті.