Мәнерлеп сырғанаудан Қазақстан жазғы чемпионатының жеңімпаздары анықталды

Диас Жиренбаев пен София Фарафонова мәнерлеп сырғанаудан Қазақстан чемпионы атанды, деп хабарлайды Prosports.kz тілшісі Қазақстан конькимен жүгіру одағының баспасөз қызметіне сілтеме жасап.

Мәнерлеп сырғанаудан Қазақстан жазғы чемпионатының жеңімпаздары анықталды.

Ұлдар арасында Диас Жиренбаев (Нұр-Сұлтан) чемпион атанса, Рахат Бралин (Нұр-Сұлтан) екінші орынға жайғасып, Олег Мельников (Шымкент) үздік үштікті түйіндеді.

Қыздар арасында алтын медальді София Фарафонова (Алматы) еншіледі. Ал екінші және үшінші орында Нұр-Сұлтан қаласының спортшылары Анна Левковец пен Нурия Сүлеймен сәйкесінше жайғасты.