Айбек Нұрсейіт: Бір орында тоқтап қалмаймыз
Алматыдағы NFC 40 турнирінде қырғыз спортшысы Тоқтарбай Жусуп уулун жеңген қазақстандық файтер Айбек Нұрсейіт қырғыз жекпе-жек соң Prosports.kz тілшісіне әсерін айтты.
– Қарсыласым мықты греплер. Оны жақсы зерттедік. Жекпе-жекте «стойкада» жұдырықтасуға тура келді. Басында күресе ме екен деп күттім, бірақ тұрып төбелескенді жөн көріпті.
– Қарсыласыңызды жойқын соққымен күтіп алдыңыз. Бұл алдын ала дайындалған әдіс болды ма?
– Дайындық кезінде бапкерім қарсыласты күтіп алу бойынша жаттығулар жасатты. Жекпе-жекте қарсыласым шабуылдап келді, ал мен оңақаймен күтіп алдым. Соққым қатты тиген болу керек.
– Ендігі жоспарың қандай?
– Бір орында тоқтап қалмаймыз. Алға қарай жылжимыз. Ақырындап мақсатымызға келе жатырмыз. Матчмейкерлер қызық жекпе-жектер ұсынса қарастырамыз. Бастысы сыйақысы көңілден шықса болды.