Этникалық қазақ Мақсат Қайсар UFC-де дебют жасайды

Қытайда тұратын этникалық қазақ Мақсат Қайсар UFC-де дебют жасауға дайын. 

Мақсат Қайсар DWCS турнирінде канадалық Ахилес Эстремадураны төрешілердің бір ауыздан қабылдаған шешімімен жеңіске жеткен соң Дана Уайттан шақырту алды.

UFC-дегі алғашқы қарсыласы америкалық Стив Гарсия (12-4) болмақ. Жеңіл салмақтағы айқас Сингапурдегі UFC 275 турнирі аясында өтеді.

Жекпе-жек елорда уақытымен таңғы сағат 6:30 басталады. Бұл кездесуді UFC Fight Pass сайтынан тамашалай аласыздар.