Нұржан Ақышев өзбек файтерімен кездеседі

Қазақстандық аралас жекпе-жек спортшысы Нұржан Ақышев Brave FC промоушеніндегі келесі жекпе-жегіндегі қарсыласын білді, деп хабарлайды Prosports.kz лиганың баспасөз қызметіне сілтеме жасап.

Бұхарада (Өзбекстан) өтетін Brave 59 турнирінде қазақстандық кәсіпқой мансабында алты жекпе-жек өткізіп, бірде-бір жеңіліс көрмеген Өзбекстан өкілі Отабек Токировпен кездеседі. Жеңіл салмақтағы жекпе-жек 18 маусымда өтеді.

Айта кетейік, қазақстандық файтер мансабындағы 11 жекпе-жекте сегіз жеңіске жетіп, үш рет жеңіліс дәмін татқан.