«Ешқандай қысым жоқ». Жұмағұлов – Морозовпен спарринг және Молинамен жекпе-жек алдындағы күтпеген мәселелер туралы
4 маусымда аса жеңіл салмақтағы қазақстандық файтер Жалғас Жұмағұлов (14-6) Лас-Вегастағы UFC турнирінде промоушендегі бесінші жекпе-жегінде америкалық Джефф Молинамен (10-2) кездеседі.
Prosports.kz тілшісіне берген сұхбатында «Жако» UFC-дегі ең маңызды жекпе-жегіне дайындығы, спарринг серіктестерімен проблемалары және қарсыласының мықты жақтары туралы айтып берді.
- Дайындық өте жақсы, бәрі жоспар бойынша жүріп жатыр, мен өзімді тамаша сезінемін және қазіргі уақытта бабымдамын.
- Спаррингтар туралы не айта аласыз?
- Спарринг-серіктестермен біраз қиындықтар бар, өйткені менімен ешкім спаринг жасағысы келмейді. Осы уақыт ішінде бірнеше серіктес өзгерді, қазір маған Сергей Морозов көмектесіп жатыр.
- Сіздің қарсыласыңыз Джефф Молина болады, сіз онымен Ривераны жеңгеннен кейін жекпе-жек өткізуге ниетті екеніңізді алғаш айтқан едінің. Неліктен сол сәтте оны жекпе-жекке шақырдыңыз?
- Неліктен оны шақырдым? Негізінде ол мен үшін ыңғайлы қарсылас.
- Сіздің ойыңызша, америкалық файтердің ең мықты тұсы неде?
– Оның мықты тұсы төзімділік деп айтуға болады.
– Сіздің ойыңызша, Молинадан қандай басымдығыңыз бар?
– Тәжірибеде басымдығым бар. Сапалы өнер көрсетіп, жеңу керек. Қандай жағдай болмасын, бәрі де Жаратқанның қалауымен. Октагонға шығып, бар күшімді саламын, болар нәрсе болады. Мен шығып, 100 пайыз барымды саламын.
– Сіздің америкалық промоушендегі тағдырыңыз алдағы жекпе-жектің нәтижесіне байланысты болады. Қысым октагонда барлық мүмкіндігіңізді көрсетуге кедергі бола ма?
– Ешқандай қысым жоқ, сондықтан бұл тұрғыда бәрі жақсы. Мен қалпыма келіп, барлық қажетсіз ойдан арылдым. Енді мен бұл жекпе-жекте одан да жақсы өнер көрсетуге дайынмын.
– Жекпе-жек алдында жанкүйерлеріңізге және сізді шын жүректен қолдайтын адамдарға не айтар едіңіз?
– Мен үшін алаңдаған барлық жанкүйерге үлкен рақмет айтқым келеді, мен өте қуаныштымын және сіздердің қолдауларыңызды бағалаймын. Мен өз елім, халқым үшін күресіп жүргенімді үнемі баса айтамын.