Қазақстан хоккейшілерінің Азия ойындары іріктеуіндегі ойын кестесі анықталды

<span>Көгалдағы хоккейден Қазақстан құрамасы Азия ойындарының іріктеу кезеңіндегі ойын кестесі белгілі болды, деп хабарлайды Prosports.kz тілшісі ҚазАқпаратқа сілтеме жасап. </span>

<span>Аталған турнир Таиланд астанасы Бангкок қаласында 6-15 мамыр аралығында өткізіледі. </span>

<span>Ұлттық құрама А тобында Оман, Таиланд, Гонконг және Өзбекстанмен шеберлік байқасады. </span>

<span>Қазақстандық хоккейшілер бүгін, 6 мамырда Таиланд құрамасымен шеберлік байқасады. </span>

<span>Одан кейін 7 мамырда Оманмен кездессе, 9 мамырда Өзбекстанмен ойнайды. </span>

<span>Ал 10 мамырда Гонконг құрамасымен кездеседі. В тобында Бангладеш, Шри-Ланка, Индонезия және Сингапур құрамалары ойнайды. </span>

<span>Азия ойындарына алты құрама жолдама алады. </span>

<span>Қазақстандық хоккейшілер аталған доданың финалдық кезеңінде екі мәрте бақ сынады. 1994 жылы 6-орын алса, 2018 жылы 11-орынды місе тұтты.</span>