Қазақстандық спортшы UFC файтерінің лигасында жекпе-жек өткізеді

Қазақстандық файтер Серікбай Ходжабаев (11-6) UFC файтері Махмуд Мурадовтың кәсіпқой лигасымен (MPL) келісімшартқа отырды, деп хабарлайды Prosports.kz.

Отандасымыз аталған промоушендағы дебютін 21 мамырда өткізеді.

Ходжабаевтың қарсыласы «өзбек Коноры» лақап аты бар Бахромджон Машрапов (4-2) болады.

Бұл туралы лига әлеуметтік желідегі парақшасында ресми мәлімдеді. «MPL-5 турнирінде өтетін аралас салмақтағы жекпе-жек», деп жазды. 

Кеш Қоқан қаласында (Өзбекстан) өтеді. Шоуда Ходжабаевтан басқа тағы екі қазақстандық өнер көрсетеді.