Нұрберген Шәріпов Мәскеуде бразилиялық файтермен жекпе-жек өткізеді

Қазақстандық файтер Нұрбегрен Шәріпов октогонға оралады, деп хабарлайды Prosports.kz. 

ACA139 турнирі аясында Нұрберген 34 жастағы бразилиялық Франсиско Де Лима Масиэльмен кездеседі. Ол мансабында 15 рет жеңіп, 7 рет жеңілген. АСА рейтингінде алтыншы орында орналасқан. 

Қазақстандық файтер кәсіпқой алаңда өткізген 16 жекпе-жегінің 13-ін жеңіспен аяқтаған. Соңғы айқасында өткен жылдың қазанында бразилиялық <span>Фелипе Фроеспен кездесіп, ұтылып қалған. </span>

Шәріпов Таиландта турнирге дайындалып жүр. Жекпе-жек 21 мамырда Мәскеуде өтеді.