«Астана» - «Локомотив Кубань» матчының тікелей трансляциясы

Бүгін елордалық «Астана» баскетбол командасы ВТБ Біріккен лигасының тұрақты чемпионаты аясында сырт алаңда Краснодардың «Локомотив Кубань» клубына қарсы ойнайды, деп хабарлайды Prosports.kz.

Ойын Basket Hall аренасында 21:00-де басталады. Матчтың тікелей трансляциясы pbcastana.kz сайты мен Qazsport телеарнасында қолжетімді болады.

«Локомотив Кубань» — 1946 жылы негізі қаланған, Краснодар қаласында орналасқан ресейлік кәсіпқой ерлер баскетбол клубы. ВТБ Біріккен лигасына қатысумен қатар, еурокубокта да өнер көрсетеді.

Командалардың алғашқы ойыны 15 ақпанда Нұр-Сұлтанда өтті, онда астаналық клуб 87:83 есебімен ұтты.