Гандболдан Азия чемпионаты: Қазақстан қыз құрамасы 2-орын алды

<span>Алматы қаласында 18 жасқа дейінгі жасөспірім қыздар арасында гандболдан Азия чемпионатында қазақстандықтар екінші орын алды.</span>

<span>Құрлықтық додада барлығы бес құрама сынға түсті. Олардың қатарында Иран, Өзбекстан, Қазақстан, Үндістан және Сирия құрамалары бар. Қазақстандық гандболшылар төртінші кездесуде Өзбекстанды 31:29 есебімен тізе бүктірді.</span>

Одан бұрын Сириядан 32:14, Үндістаннан 28:21 есебімен басым түскен еді. Ал алғашқы кездесуде Иранға 19:20 есебімен жол беріп қойды.

<span>Нәтижесінде бірінші орын сегіз ұпаймен ирандық қыздарға бұйырса, алты ұпаймен қазақстандық гандболшылар екінші орынға табан тіреді. Одан кейінгі орындарға Өзбекстан, Үндістан және Сирия қыздары ілікті.</span>