Гандбол: Жасөспірімдер арасындағы Азия чемпионатында Қазақстан құрамасы Үндістаннан басым түсті

Алматыда гандболдан жасөспірімдер арасында өтіп жатқан әйелдер арасындағы 9-шы Азия чемпионатында Қазақстан құрамасы Үндістанмен кездесу өткізді, деп хабарлайды Prosports.kz.

Кездесу 28:21 есебімен қазақстандық қыздардың жеңісімен аяқталды. Өкінішке қарай, турнир қорытындысы бойынша Қазақстан құрамасы екінші орыннан жоғары көтеріле алмайды.

Үндістан-Қазақстан кездесуі алдында Сирия мен Иран құрамалары арасында ойын өтті. 36:21 есебімен жеңіске жеткен ирандық қыздар төрт кездесуде төртінші жеңіске жетіп, мерзімінен бұрын бірінші орын алды.