«Құлагерге» жаңа бас бапкер тағайындалды

Петропавлдық «Құлагер» командаға жаңа бас бапкер тағайындалғанын ресми хабарлады, деп жазады Prosports.kz.

Клубты енді Владимир Капуловский жаттықтырады. 2016 жылдан бері Владимир Иванович «Арланды» жаттықтырды. Көкшетаулық клубпен 2018/2019 жылғы маусымда Құрлық кубогын жеңіп алды. 2019-2020 жылғы маусымда «Алматы» хоккей клубының бас бапкері қызметін атқарды.

Маман «Авангард» (Омбы), «Лев» (Попрад), «Спартак» (Мәскеу), «Динамо» (Минск), «Атлант» (Мытищи) секілді командаларда да жұмыс істеген.