Қазақстандық Сергей Зубков Naiza FC 37 турнирінде ресейлікті жеңді

Бүгін Алматыда аралас жекпе-жектен Naiza FC 37 турнирі өтті, деп хабарлайды Prosports.kz.

Кештің екінші маңызды жекпе-жегінде қазақстандық Сергей Зубков (3-4) пен новосібірлік ресейлік Илья Гуненко (11-12) кездесті.

Үш раундқа есептелген ауыр салмақтағы жекпе-жек бірінші раундында Зубков техникалық нокаутпен жеңіске жетті.

Осылайша, Сергей Зубков мансабындағы төртінші жеңісіне қол жеткізді.

Еске салайық, кештің басты жекпе-жегінде NFC жартылай орта салмақтағы бос титулды қазақстандық Серік Разғалиев пен бразилиялық Дуглас Де Оливейра сарапқа салады.