Допты хоккей: 21 гол соғылған матчта «Ақжайық» ұтылып қалды

Допты хоккейден жоғары лига командалары арасындағы бүкілресейлік жарыста Оралдың «Ақжайығы» Орынборда жергілікті «Локомотив» командасымен айдынға шықты, деп хабарлайды Prosports.kz тілшісі ҚазАқпаратқа сілтеме жасап.

<span>Тартысты өткен бәсекеде «Ақжайықтың» капитаны Максим Өтебалиев есеп ашқанымен, бұдан кейін айдын иелері қатарынан алты гол соқты. </span>

<span>Матч барысында оралдықтар да есепті қысқартып баққаным</span><span>ен, «Локомотив» 11:10 есебімен жеңіске жетті. </span>

<span>Қонақтар сапынан ресейлік сұрмерген Максим Пахомов бес, М.Өтебалиев үш голдың авторы атанды. Сондай-ақ Петр Грибанов, Павел Чебаков қарсылас қақпасына бір-бір доптан енгізді. </span>

<span>Оралдық маман Николай Шавалдиннің шәкірттері Орынборда әлі үш ойын өткізеді. </span>

<span>Мұның екеуі - елдегі төтенше жағдайға байланысты 10-11 қаңтар күндері Оралда өтпей қалған кездесулер. </span>

<span>«Ақжайық» спорт клубының директоры Дамир Қалақовтың айтуынша, өз тобындағы қалған осы үш матчта оралдықтар үш ұпай алса, финалдық сайыстарға жолдама алуға мүмкіндік беретін үздік үштікке ілігеді.</span>