UFC Vegas 47: Стриклэнд басты жекпе-жекте Херманссонды жеңді

Қазақстан уақытымен 6 ақпан таңертең Лас-Вегаста (Невада, АҚШ)<span> </span>UFC Vegas 47 турнирі өтті, деп хабарлайды<span> </span>Prosports.kz.

Кештің басты жекпе-жегінде орта салмақтағы рейтингте алтыншы және жетінші орында тұрған норвегиялық Джек Херманссон мен америкалық Шон Стрикленд кездесті.

Жекпе-жек толық бес раундқа жалғасып, төрешілер шешімімен Стрикленд жеңіске жетті.

Осылайша, Шон Стрикленд кәсіпқой мансабында 25-жеңісіне жетті, оның еншісінде 3 жеңіліс бар (UFC-де 12 жеңіс, 3 жеңіліс). Херманссонның кәсіпқой рекорды 22 жеңіс пен 7 жеңіліс (UFC-де 9 жеңіс, 5 жеңіліс).