Қазақстан құрамасы Жапония хоккейшілерін ірі есеппен ұтты

<p> <strong>Хоккейден Андрей Назаров жаттықтыратын Қазақстан ұлттық құрамасы Польшаның Краков қаласында өтіп жатқан әлем чемпионатында үшінші жеңісіне қол жеткізді. &laquo;А&raquo; тобында бақ сынап жатқан отандастарымыз Жапония құрамасын 7:2 есебімен ойсырата жеңді.</strong></p> <p> Бірінші ойында Украина елінің хоккейшілерін 5:2 есебімен, екінші ойында Венгрияны 5:0 есебімен жеңген Қазақстан құрамасы топта 9 ұпаймен көш бастап келеді. Екі ойыннан өткізген Италияда &ndash; 5 ұпай, Польшада &ndash; 3 ұпай бар. Үздік сұрмергендер көшін &laquo;Барыс&raquo; ойыншылары Кевин Даллмэн мен Константин Руденко бастап тұр. Олар үш рет қарсылас қақпасына дәл көздесе, екі реттен нәтижелі пас берген. Сонымен қатар, одан кейінгі орындар да қазақстандық хоккейшілер еншісінде.</p> <p> Қазақстан құрамасы ертең мұз айдын иелері поляк хоккейшілерімен кездеседі. &laquo;А&raquo; тобында жеңіске жеткен құрама 2016 жылы әлем чемпионатының элиталы тобына өтеді.</p> <p> &nbsp;</p> <p> Massaget.kz сайтынан</p>