ҚХЛ «Барыс» пен «Трактор» арасындағы матчтардың статистикасын ұсынды

25 желтоқсанда Челябинскте өтетін «Трактор» - «Барыс» матчы қарсаңында Құрлықтық хоккей лигасы осы командалар арасындағы бұрынғы матчтардың жиынтық статистикасын ұсынды, деп хабарлайды Prosports.kz.

Бұған дейін «Барыс» пен «Трактор» өзара 43 рет кездескен. Қазақстандық команда 23 матчта жеңісті тойласа, 20 ойында Оңтүстік Оралдың командасы басым түскен. Бұл кездесулерде «Барыс» 127, «Трактор» 124 гол соқты.

«Трактор» - «Барыс» кездесуі Нұр-Сұлтан уақытымен сағат 18:00-де басталады.