Гандболдан Қазақстан құрамасы әлем чемпионатында екінші рет жеңілді

Гандболдан Қазақстан әйелдер құрамасы әлем чемпионатында тағы да ұтылып қалды.

Ел құрамасы әлем чемпионаты аясында осымен екінші қарсылас командаға жол берді. Румынияға қарсы өткен матч 38:17 есебімен қарсылас команданың еншісіне шешілді.

Айта кетерлігі, Қазақстан құрамасы бұған дейін Норвегия спортшыларымен кездесіп, есе жіберген болатын. Ал ел құрамасының келесі қарсыласы Иран гандболшылары болмақ.

Гандболдан әйелдер арасындағы әлем чемпионаты Испанияда өтіп жатыр.