Қазақ файтері UFC-дегі екінші жекпе-жегін өткізеді

Қытайда тұратын қазақ файтері Сайран Нұрданбекұлы UFC-дегі екінші жекпе-жегін өткізеді, деп хабарлайды<span> </span>Prosports.kz.

Жекпе-жек UFC Fight Night 198 турнирі аясында өтеді. Қарсыласы - америкалық Шон Сориано.

Турнир 20 қарашада Лас-Вегаста өтеді. Қос файтер жартылай жеңіл салмақта өнер көрсетеді.

Айта кетейік, Сайран америкалық промоушен туы астындағы алғашқы кездесуін 23 мамырда Лас-Вегаста өткізді. Қандасымыз UFC Fight Nights 188 турнирінде аустралиялық Джошуа Кулибаодан төрешілер шешімімен жеңілген болатын.