«Сарыарқа» тағы да «Тороспен» «тіреседі»
<p>
<strong>Шайбалы хоккейден Қарағандының «Сарыарқасы» Братина кубогының жартылай финалында Башқұртстанның «Торос» клубымен кездесетін болды, деп жазады «Алаш айнасы».</strong></p>
<p>
Ресейдің Жоғары хоккей лигасында (ЖХЛ) сарапқа салынып жатқан Братина кубогының жартылай финалына төрт команда шықты. ЖХЛ-дың жыл сайынғы тұрақты біріншілігінің қорытынды кестесіндегі орындары бойынша «Сарыарқа» Нефтекамскінің «Торосымен» кездеседі.</p>
<p>
Өйткені, жартылай финалға шыққан төрт команданың ішінде «Сарыарқа» әлгі кестеде ең жоғары, ал «Торос» ең төмен орналасқан – клубтар. Ал «Ижсталь» мен ТХК (Тверь хоккей клубы) – екеуінің ортасында.</p>
<p>
/1/ «Сарыарқа» – /8/ «Торос» – 28-29.03; 1-2.04; 5.04; 7.04; 9.04</p>
<p>
/2/ «Ижсталь» – /3/ ТХК – 29-30.03; 2-3.04; 6.04; 8.04; 10.04</p>
<p>
«Сарыарқаның» Братина кубогының шешуші кезеңінде Нефтекамскінің «Торосымен» осымен үшінші жыл қатарынан жолы түйісіп отыр. 2012/2013 жылдар маусымында Қазақстан мен Башқұртстанның деңгейлері жағынан екінші клубтары Братина кубогының финалында кездескен.</p>
<p>
Екеуара дода шектен тыс тартысты өтіп, жеті матчқа созылған. Сол жылы «Торос» 4:3 есебімен басым түсіп, Братина кубогын иеленген.</p>
<p>
Ал өткен маусымда (2013/2014 жылдар) «Сарыарқа» мен «Торос» жартылай финалда кезікті. Былтыр Қазақстан клубы төрт матчта басым түсіп (4:0), финалға шықты. Финалда «Рубин» (Тюмень) клубын ұтып, Братина кубогын жеңіп алғанын білесіздер.</p>
<p>
Биыл «Сарыарқа» мен «Торостың» жолдары тағы да жартылай финалда түйісіп отыр. «Сарыарқа» биыл да (былтырғыдай) «Торосты» жолынан тайдырады деп сенеміз.</p>
<p>
</p>
<p>
«Алаш айнасы» интернет-порталынан</p>
<div>
</div>
Ошибка в тексте? Выделите и нажмите Ctrl+Enter
Комментарии
Для того, чтобы оставить комментарий, или