Қытай құрамасы Токиода тағы бір алтын медаль алды

Токиода өтіп жатқан Олимпиада ойындарында Қытай құрамасы екінші алтын медалін алды, деп жазады Prosports.kz.

Ауыр атлетикадан әйелдер арасындағы 49 келі салмақ дәрежесінде қытайлық спортшы Хоу Чжихуэй 210 (94+116) келіні көтеріп, Олимпиада чемпионы атанды.

Күміс медаль Үндістан өкілі Чану Саихом Мирабайға бұйырды 202 (87+115). «Қоланы» 194 (84+110) келіні көтерген индонезиялық Винда Кантика Айса алды.

Айта кетейік, бұған дейін қытайлық спортшы Ян Цянь 10 м қашықтықта пневматикалық мылтық атудан алтын медаль алған.