Аслан Ораз қатысатын турнирдің тікелей трансляциясы

Бүгін Сочиде AMC Fight Nights 103 турнирі өтеді, деп жазады Prosports.kz.

Жеңіл салмақта өнер көрсететін қазақстандық файтер Аслан Ораз (3-1) турнирдің андеркартында бақ сынайды. Оның қарсыласы ресейлік Глеб Хабибуллин (5-1-1).

Кештің басты жекпе-жегінде жартылай орта салмақтағы екі ресейлік боксшы Юсуф Раисов (17-2) мен Алексей Махно (23-6) кездеседі.

Турнирдің тікелей эфирде «Хабар» және «Fighter» телеарналары көрсетеді. Нұр-Сұлтан уақытымен 23:00-де және 00:00-де басталады.