Бартулис пен Рыспаев бір матчқа жазаланды

<p> <strong>Елордалық &laquo;Барыс&raquo; хоккей клубының ойыншылары Оскарс Бартулис пен Дамир Рыспаев бір ойынға айдыннан шеттетілді, деп хабаралайды &laquo;<a href="http://prosportkz.kz/kz/">PROСПОРТ</a>&raquo;.</strong></p> <p> &laquo;Сибирьге&raquo; қарсы матчтың 8-ші минутында астаналықтардың қорғаушысы Оскарс Бартулис Сергей Шумаковтың басынан ұрғаны үшін қысқа және тәртіптік жазаға (2+10 минут) ие болған еді. Бұл оның осылай үшінші рет жазалануы. Ал бір маусымда үш рет 10 минуттық айыппен жазаланған ойыншы автоматты түрде келесі ойынды жіберіп алатынын естеріңізге сала кетейік.</p> <p> Ал Рыспаев 57-ші минутта Виталий Меньшиковпен жұдырықтасып, төбелес ашқаны үшін айдыннан қуылды. Сол себепті де, Дамир &laquo;Барыстың&raquo; келесі матчында командасына көмектесе алмайды.&nbsp;</p>