Артем Резников: Қақтығыстардан аулақ болыңыз. Әйтпесе, бәрі болуы мүмкін!

Жеңіл салмақтағы қазақстандық АСА файтері Артем Резников танымал вайнер Ерлан Пірімбетовтің кезекті жобасының кейіпкері болды, деп жазды Prosports.kz.

Еске салайық, бұл Артем мен Ерланның алғашқы бірлескен өнімі емес. Бұған дейін олар диванда жатып алып көрінгенді сынайтын адамдар жайлы әзіл-сықақ видео түсірген. Айтпақшы, бұл видеоға көптеген танымал отандық және шетелдік ММА файтерлері пікір қалдырды.

Бұл күндері Артем Резников Солтүстік Осетия-Аланияның астанасы Владикавказда жаттығу үстінде (спортшы бұл туралы өзінің инстаграм парақшасында жариялады).