Колмаков - әлем чемпионатының қола жүлдегері

Фристайл-могулдан Алматыда өтіп жатқан әлем чемпионатында Қазақстан қоржынына екінші медаль түсті. 

Қазақстандық Павел Колмаков ерлер арасындағы бәсекеде үздік үштікке енді. Ақтық сында Колмаков 82.23 ұпай еншілеп, өз мансабында алғаш рет әлем біріншілігінің жүлдесіне қол жеткізді. 

Алматыдағы додада канадалық Микаэль Кингсбери чемпион атанып, әлем біріншіліктеріндегі алтын санын беске жеткізді. Күміс медальді франциялық Бенджамен Кавет иеленген. 

Айта кетелік, финалда бақ сынаған тағы бір қазақстандық спортшы, тәжірибелі Дмитрий Рейхерд 78.47 ұпаймен бесінші орын алды.