Рейхерд пен Колмаков Алматыдағы әлем чемпионатының финалына өтті

Қазақстандық Дмитрий Рейхард пен Павел Колмаков фристайл-могулдан әлем чемпионатының негізгі кезеңіне жолдама алды, деп хабарлайды Prosports.kz.

Рейхард алғашқы іріктеуде 76.32 ұпай жинап, бірден финалға өтті. Павел Колмаков екінші іріктеуден кейін (77.27) шешуші кезеңге қадам басты. Ал Сергей Романов пен Антон Бондарев финалдан тыс қалды.

Маусымның көшбасшысы, аустралиялық Мэтт Грэм бүгін медальге таласа алмайды.

Айта кетейік, финал бүгін елорда уақытымен 15:00-де өтеді.