Фристайл-могулдан ӘЧ: Галышева мен Городко кіші финалда

Алматыда фристайл-могулдан әлем чемпионаты басталды. Қазақстандық қос атлет жекелей сын бойынша кіші финалға жолдама алды, деп хабарлайды Olympic.kz.

Анастасия Городко екінші іріктеу кезеңінің нәтижесі бойынша алтыншы, Юлия Галышева 78,23 ұпайымен екінші болды. 

Екі іріктеу кезеңінің нәтижесі бойынша ТОП-18 спортшы кіші финалға өтеді. 

Өкінішке қарай, әйелдер арасындағы бәсекеде Аяулым Әмренова мен Олеся Груар іріктеуден өте алмады. Нұр-Сұлтан уақытымен сағат 12:15-те ерлер арасында іріктеу сыны басталады. 

Жарыстың финалы 15:00-ге жоспарланған. Qazsport телеарнасы тікелей эфирде көрсетеді.