Шорт-тректен ӘЧ: Жанбосынова 18-орын алды

Шорт-тректен нидерландтық Дордрехтте өткен әлем чемпионатының соңғы күнінде әйелдер арасында 1000 метр қашықтықтағы жүлдегерлер анықталды, деп хабарлайды Prosports.kz.

Бұл сайыста әлем чемпионы атағын нидерландтық Сюзанн Схултинг алды, күміс медальді бельгиялық Ханне Десмет иеленді, «қола» канадалық Кортни Сароның еншісінде.

Қазақстаннан үздік нәтижені Мадина Жанбосынова көрсетті, ол ширек финалда жарыс жолынан шығып, қорытынды хаттамада 18-орын алды. Ал Яна Хан 24-орынға тұрақтады.