Резников 2021 жылға арналған жоспарын айтты

Қазақстандық файтер Артем Резников ресейлік журналист Игорь Лазоринге сұхбат берді, деп жазады Prosports.kz.

Сұхбат барысында отандасымыз октагонға қашан оралатынын, ACA-дағы болашағы және АҚШ-тағы жаттығулар туралы айтты.

- ACA лигасымен келісімшартыңыз қалай?

- Иә, лигамен келісімшарт бойынша бір жекпе-жек ғана қалды. Олар наурыз айында Рашид Магомедовпен жұдырықтасуды ұсынып отыр. Бірақ мен мамыр-маусым айларында ғана жекпе-жек өткізуге дайын болатынмыды айттым. Рашид - лигадағы ең мықты файтерлердің бірі, онымен кездесу қызықты болар еді.

- UFC немесе Bellator жайлы ойландыңыз ба?

- Келісімшарт бойынша ACA-дағы соңғы жекпе-жегімді өткізуім керек, содан кейінгісін көре жатармыз. Мен онсыз да Америкада жекпе-жек өткізгім келеді. ТМД-да ең үздік спортшымармен жұдырықтастым. АҚШ-та көптеген мықты спортшы бар, олармен жекпе-жекке шығу жеңіл.

- Магомед Исмаилов пен Владимир Минеевтің жекпе-жегіне қандай болжам жасай аласыз?

- Менің ойымша, мүмкіндік 50-де 50. Алғашқы раундтарда шаршап қалмау үшін Исмаилов өзін-өзі мықты ұстағаны жөн.

- Енді әңгімемізді қорытындылайық. 2021 жылға жоспарларыңыз қандай?

- ACA-да жекпе-жек өткізгім келеді және шетелде өнер көрсету жоспарда бар.

Айта кетейік, 29 жастағы Резников соңғы жекпе-жегін өткен жылдың қыркүйек айында ACA 111 турнирі аясында өткізді. Ол кездесуде жерлесіміз төрешілер шешімімен бұрынғы ACB чемпионы Юсуф Раисовты жеңген болатын.