Херенвен-2021: Конькимен жүгіруден қазақстандық спортшылардың нәтижесі

Бүгін Нидерландтың Херенвен қаласында конькимен жүгіруден әлем чемпионаты мәресіне жетті.

Назарларыңызға соңғы жарыс күніндегі қазақстандық спортшылардың нәтижесін ұсынамыз.

5000 метрге жарысқан әйелдер арасында Надежда Морозова 11-ші орыннан көрінді. Ол аталған қашықтықты 7 минут 23:599 секундта жүгіріп өтіп, жеңімпаз атанған нидерландтық Ирен Шоутеннен 35.06 секундқа қалып қойды. 

Ал 1500 метрге жарысқан ерлер арасында қазақстандықтар Демьян Гаврилов 13-ші, Виталий Щиголев 14-ші, Дмитрий Морозов 16-шы орын иеленді. Аталған сында Нидерланд құрамасының спортшылары жүлделі үш орынды өзара бөліскен.