Франция құрамасын Зинедин Зидан жаттықтыра ма

Мадридтік «Реал» жаттықтырушысы Зинедин Зидан Дидье Дешам кетіп қалған жағдайда Франция құрамасының бас бапкері лауазымына басым үміткер саналады, деп хабарлайды Prosports.kz.

Тиісті мәлімдемені Франция футбол федерациясының президенті Ноэль Ле Гре L ' Equipe-ге берген сұхбатында жасады.

«Зиданмен қарым-қатынасымыз жақсы. Егер Дешам құрамадан кетсе және мен әлі де орнымда отыратын болсам, бірінші Зиданға жұмыс ұсынамын», - дейді Ле Гре.

Еске сала кетейік, Зиданның «Реал Мадридпен» 2022 жылдың маусымына дейін келісімшарты бар, бірақ команда ешқандай титулға ие болмаса, келісім жазда бұзылуы мүмкін.