Жасөспірімдер арасындағы әлем чемпионаты: Қазақстандық шаңғышы 20-орын алды

<span>Вуокатти (Финляндия) қаласында шаңғымен жарысудан жасөспірімдер арасындағы әлем чемпионаты аясында спринт бәсекесі аяқталды. </span>
<span>Ерлер арасында фин спортшысы Ниило Мойланен жеңіске жетті. Екінші орында норвегиялық Ларс Агнар Хьелмесет. Үшінші сатыда швециялық Эмиль Даниэльсен. </span>
<span>Қазақстан сапында үздік нәтижені Дидар Қасенов тіркеді. Ол мәреге 34-ші болып жеткен. Ілияс Исабек 53-ші, Темірлан Рамаш 62-ші, Рамиль Шамсутдинов 78-ші орында. </span>
<span> Әйелдер арасында алтын жүлдені польшалық Моника Скиндер иеленген. Күміс швециялық Моа Ханссонның, қола тағы бір польшалық спортшы Каролина Калетаның еншісінде. </span>
<span>Қазақстандық Айша Рақышева жарысты 20-шы орынмен аяқтады. Мария Геращенко 66-шы, Лаура Киныбаева 67-ші, Елизавета Толмачева 71-ші орында. </span>