Түркістанда спорт түрлерінен «Ұлттық мектеп лигасы» қайта жанданды
<span>Түркістанда спорт түрлерінен «Ұлттық мектеп лигасы» турнирі қайта басталды, деп хабарлайды ҚазАқпарат. </span>
<span>Түркістан облысы әкімінің баспасөз қызметінен мәлім еткендей, коронавирус пандемиясы салдарынан командалық спорт сайыстары уақытша тоқтатылған еді. </span>
<span>Бүгін баскетболдан жарыстардың ашылу рәсімі өтті. Оған команда қатысып, бақ сынайтын болады.</span>
<span>«Ұлттық мектеп лигасы» аясында футбол, баскетбол, гандбол, волейбол сынды спорт түрлерінен оқушылар арасында жарыстар өтеді. Мақсаты – жасөспірімдер арасында бұқаралық спортты дамыту, салауатты өмір салтын насихаттау, оқушылардың бос уақытын тиімді ұйымдастыру.</span>
<span> Жасөспірімдерге спорт мектебінен бапкер, кәсіби маман бекітілген. Әр мектеп командаларының өз логотипті мен ұраны бар. Командалар арнайы спорттық формалармен қамтамасыз етілген. </span>
<span>Жеңімпаз болған команда облыстық, республикалық, халықаралық мектеп оқушылары арасында спорттық жарыстарға қатысып, ел намысын қорғайды. Наурыз айында облыстық чемпионатта әр аудан, қаладан үздік командалар өзара іріктеуге қатысып, сайыс жеңімпаздары анықталады», - деді облыс әкімдігінен.</span>