Фанил Рафиков NFC 28 турнирінің титулдық жекпе-жегінде Серікбай Ходжабаевты жеңді (+ видео)

Кеше Алматыда Naiza Fighting қазақстандық промоутері ұйымдастырған аралас жекпе-жектен NFC 28 турнирі өтті, деп хабарлайды Prosports.kz.

Кештің басты жекпе-жегінде жеңіл салмақта төбелесетін қазақстандықтар - Фанил Рафиков (19-4) және Серікбай Ходжабаев (9-4) кездесті. Титулдық шайқас жоспарланған бес раундқа созылып, тартысты өтті. Рафиков төрешілер шешімі бойынша жеңіске жетті.

Осы жеңістен кейін 27 жастағы павлодарлық спортшы ұйымның екі дүркін чемпионы болғысы келетінін айтып, белбеу өзіңде қалатынына сенім білдірді.