Конькимен жүгіруден әлем кубогында қазақстандық спортшы жүлдегер атанды

Херенвенде (Нидерланд) конькимен жүгіру спорты бойынша әлем кубогы өтіп жатыр. Ерлер арасында 1500 м қашықтық бойынша қазақстандық спортшы жүлдеге ие болды, деп хабарлайды Prosports.kz ҰОК сайтына сілтеме жасап.

Қазақстандық конькиші Виталий Щиголев "В" дивизонында ел қоржынына кіші қола медаль салды. Ол 1500 м қашықтықты 1:47.195 уақытта бағындырып, өз тобында үшінші орын алды.

Айта кетейік, Қазақстан құрамасының мүшелері Дмитрий Морозов 9-орынды місе тұтса, Демьян Гаврилов 11-орынан көрінді.