Қазақстандық Бағдат Жұбаныш әуесқой ММА бойынша 2020 жылдың үздігі атанды

Халықаралық аралас жекпе-жек федерациясы (IMMAF) жыл сайын өтетін IMMAF Awards 2020 жеңімпаздарын жариялады, деп хабарлайды Prosports.kz.

Қазақстандық файтер Бағдат Жұбаныш «Ерлер арасында үздік спортшы» номинациясының жеңімпазы атанды.

Қазақстандық файтермен жеңіске үміткерлер қатарында Ата Атдаев (Украина), Гаджимурат Багаутдинов (Ресей), Муртаза Тала Али және Рамазан Гитинов (екеуі де Бахрейн) болды.

Айбек Шоқпытов атындағы «Еркін-күш» жекпе-жек мектебінің тәрбиеленушісі, халықаралық дәрежедегі спорт шебері Бағдат Жұбаныш екі дүркін әлем чемпионы (2018, 2019), Азия чемпионы (2019).