«Ордабасының» бюджеті қысқарды

Шымкент қаласының әкімі Мұрат Әйтенов келер жылы «Ордабасы» клубына бөлінетін қаржы мөлшері азаятынын айтты.

«Өткен жылы команда еуродода қатысқандықтан бюджеті көп болды. Оған қоса пандемияның алдында еді. Алайда еурокубоктан шығып қалған соң бюджет мөлшерін екі есеге қысқарттық.

Келер жылы команданың бюджеті 30% қысқарады. Бұл шамамен, 4-5 миллиард теңгені құрайды», – деді Мұрат Әйтенов.