Мәнерлеп сырғанаудан 2021 жылғы әлем чемпионаты көрерменсіз өтуі мүмкін

Мәнерлеп сырғанаудан 2021 жылғы Стокгольмдегі әлем чемпионаты көрерменсіз өтуі мүмкін. Ұйымдастырушылар пандемияға байланысты осындай жоспар құруда деп хабарлайды Prosports.kz ҰОК сайтына сілтеме жасап.

«Қазіргі таңда біз ISU-мен тығыз жұмыс істеп, қауіпсіздік шараларын талқылап жатырмыз. ISU Гран-при кезеңдерін өткізіп жатыр. Оның үстіне, әлем чемпионатынан бұрын Загребте Еуропа біріншілігі ұйымдастырылады. Сондықтан, бізге доданы өткізер кезде біраз көмек болары анық. Біз көрермендерді кіргізбеу туралы жоспарды да ойластырудамыз», - дейді әлем біріншілігін ұйымдастырушылар.

Мәнерлеп сырғанаудан әлем чемпионаты 2021 жылдың 22-28 наурызына жоспарланған.