Мәнерлеп сырғанаудан Гран-при финалы Бейжіңде өткізілмейді

Мәнерлеп сырғанаудан 2020/2021 жылғы маусымының Гран При финалы Бейжіңде өтпейтін болды, деп хабарлайды Prosports.kz ҰОК сайтына сілтеме жасап.

Бұл туралы Халықаралық конькишілер одағының ресми сайтында ресми мәлімденді. Гран При финалы Қытайдың Бейжің қаласына жоспарланған болатын. Бастапқыда аталған дода 10-13 желтоқсан күндеріне белгіленген еді. Коронавирус пандемиясына байланысты жарыс кейінге қалдырылды. Бүгін ISU 2022 жылғы Олимпиада ойындарына бақылау жарысы есебінде жоспарланған биылғы маусымның Гран При финалын Бейжіңде өткізбейтінін хабарлады.