Мәнерлеп сырғанаудан Қазақстан чемпионаты Алматыда өтуі мүмкін

Қазақстанның коньки тебушілер федерациясы мәнерлеп сырғанау, шорт-трек және конькимен жарысудан Қазақстан чемпионаты өтуі мүмкін мерзімдерді атады. Бұл туралы ұйымның ресми сайтында хабарланған.

Мәнерлеп сырғанаудан ел біріншілігі 2020 жылдың 16-20 желтоқсаны аралығында Алматыда өтеді деп жоспарлануда. Жарыс ережесіне сәйкес, турнирге көрермендер қатыспайды.

Қазақстан Республикасы Бас санитар дәрігері бекіткен қаулы бойынша, барлық санитарлық талаптар сақталады.

Сондай-ақ, конькимен жүгіруден спринтерлік көпсайыс 16-17 қарашаға, классикалық көпсайыс 23-24 қарашаға, жекелеген дистанциялар 14-17 желтоқсанға жоспарлануда.

Әзірге, турнирдің нақты өту-өтпеуі белгісіз. Елдегі ахуалға байланысты өзгерістер болуы мүмкін.