Николай Выдрин: Биатлоншылар алғашқы жаттығу жиынына әртүрлі формада келді

Биатлоннан Қазақстан әйелдер командасының аға жаттықтырушысы Николай Выдрин карантиннен кейінгі спортшылардың дайындығына тоқталды. 

«Карантин кезінде бәріміз де оқшауландық. Жаттығуды жабық кешенде өткізуге тура келді. Бұл біздің спортымыз үшін ыңғайсыз. Өйткені, жаттығу кезінде біз арнайы ат базаларында, шаңғы роллеріне арналған тас жолдарда дайындаламыз.

Мамыр айында базалық жаттығуды өткізе алмағанымыз алдағы жарыс кезінде кері әсерін тигізетіні сөзсіз. Наурызда қысқы біріншілікті, тамызда жазғы чемпионатты өткізбедік.

Ал үзілістен кейін өткен алғашқы жаттығу жиынына спортшылар әртүрлі формада келді. Бұл дайындық кезінде айтарлықтай қиындық туғызды», - дейді бапкер.