ISU мәнерлеп сырғанаудан 2022/2023 жылғы маусымның жарыстарын бекітті

Халықаралық конькишілер одағы (ISU) 2022 және 2023 жылғы маусымдағы жарыстардың өтетін жерлерін қарастырды. 

ISU ресми таратқан ақпарат бойынша, 2022 жылғы төрт құрлық чемпионаты Қытайдың Тяньцзинь қаласында өтеді. Мәнерлеп сырғанаудан 2022/23 жылғы маусымның әлем біріншілігі Жапонияның Сайтама қаласына жоспарланған.

Финлияндияның Хельсинки қаласы 2023 жылы Еуропа чемпионатын қабылдайды. Ал осы жылғы төрт құрлық чемпионаты Австралияның Сидней қаласында өтеді деп жоспарлануда. Сондай-ақ, жасөспірімдер арасындағы әлем біріншілігі Канаданың Калгари қаласында өтуі мүмкін. 

Аталған әлемдік додалардың нақты өтетін уақытын ISU алдағы уақытта ресми хабарлайды.