Америкалық файтер Шавкат Рахмоновпен жекпе-жек өткізгісі келеді
Америкалық файтер Брайан Барберена (15-7) жартылай орта салмақтағы бұрынғы M-1 Global чемпионы (77 келі) Шавкат Рахмоновқа қарсы жекпе-жек өткізуге дайын екенін айтты, деп хабарлайды Prosports.kz.
31 жастағы файтер тиісті хабарламаны өзінің Instagram парақшасында қалдырды.
«Мен келісем! Іске асырайық», - деді Барберена.
Шавкат Рахмоновтың менеджері Саят Әбдірахманов та шайқасты ұйымдастыруға қарсы емес екенін жеткізді.
Let’s do it. We’re in. Potential FOTN no doubt https://t.co/BJBnFehJaz
— Sayat 萨亚特 (@sayatmma) October 1, 2020
25 жастағы Шавкат Рахмонов (12-0) америкалық промоушенде UFC 254 турнирінде алғашқы жекпе-жегін өткізуі керек. Бастапқыда <span>«Номад»</span> 25 қазанда бразилиялық Элисеу Залески дос Сантоспен (22-7) жекпе-жек өткізеді деп жоспарланған болатын, бірақ ол жарақат алып, турнирге қатысудан бас тартты. Қазіргі уақытта матчмейкерлер бразилиялықтың орнын басатын адам іздейді.