Артем Резников және Юсуф Раисов көз арбасты
Қазақстанның және әлемнің спорт жаңалықтарына жазылыңызРесейлік ACA лигасы ACA 111 турниріне арналған баспасөз мәслихатын өткізді, деп хабарлайды Prosports.kz.
Мәскеудегі конференцияға Артем Резников, Юсуф Раисов, Асылжан Бақытжанұлы, Алексей Буторин, Александр Сарнавский, Абдул-Азиз Абдулвахабов, сондай-ақ компанияның директоры Алексей Яценко және лиганың негізін қалаушы Майрбек Хасиев қатысты.
Баспасөз конференциясынан кейін турнирге қатысушылар көз арбасты. Бұл рәсімге қазақстандық файтер Артем Резников (21-6) және жеңіл салмақтағы бұрынғы ACB чемпионы (66 кг) Юсуф Раисов (16-1) те қатысты.
19 қыркүйекте Мәскеуде өтетін ACA 111 турнирінде Қазақстанның тағы спортшысы бақ сынайды. Асылжан Бақытжанұлы (11-1) ресейлік Алексей Буторинмен (15-4) жұдырықтасады. Негізгі кардта жартылай орта салмақтағы FNG-нің бұрынғы чемпионы (77 келі) Георгий Кичигин тәжікстандық Мамуржон Хамдамовпен (10-1) кездесіп, ACA лигасында дебют жасайды. Турнирдің алғашқы кардында қазақстандық тағы бір файтер Нұрберген Шәріпов (9-2) ресейлік Тамерлан Кулаевпен (11-1) кездеседі.